Ang mga isinulat na hindi titik,
Iigwa kaya ang takot
Sa bating iniwan sa init
Sa ilalim ng buwang kinakaya-
Kaya na lamang
ng mga ayaw sa tulog,
Ayaw sa atin, ayaw sa layaw,
Ayaw sa himbing
Dahil ang agnas na dulot
Mula sa ayaw lumimot,
Manggagaling lang din
Sa inumagang bangungot,
At kung pamamarisan
Ang paglalayasan,
Makakayanang maging mayaman
Kahit pang pumagitan
Sa singil ng diyablo't anghel,
Lumubos nawa sa papel
'Pagkat aanhin ang kakausap
Kung payag din namang umirap.