sa kahit anumang sining,

laging dapat pinararaan

ito na para bang ikaw ay

sasamyuhang walang

kamalay-malay ngunit

tila ba na mamumulat

muli – nahihiga pala sa

damuhang pinalungting

tunay ng hamog at ginaw,

at sa iyong bawat duda

at singaw, kikilamkis ang

magkabilang tagiliran,

binti, braso, batok, tungo

sa tuktok ng iyong ulo.

magigising muli ang

iyong kabuuang tao.

babangon ka nang muli,

iiwan ang sansaglit na

paraiso, habang palayo

ito nang palayo, kusang

maghahanap kang muli

ng panibago, desperado.