walang makapagsasabi
na ang pagkasadlak,
pagkaramdam, isasahuli
nang maisabuhay, isang
minimithi, iisang kulay.
magsasanib-sanib na
ang lahat nang mapatotoo
sa buong santinakpan
na walang magi-maginoo
sa lulustay ng kinabang
galing pa sa babasaging
bangang hindi na napuno
ng bigas pa.
sumama ka, doon sa labas,
hindi na muli pang aatras.
para sa kahig na kinaibigan,
ngayo'y mimitsang iwanan.
No comments:
Post a Comment