sinusubukan mo nang unawain ang salaysay sa ikalawang salang na hain ng demonyo. kanino kayang amo humingi ng lugod ito para makaabot sa lampas ng rurok na isang libong hakbang ang kalilituhan pa bago makaisa man lang ng tapak? ihihilig mo pa kaya ang naiwan mong mga balangkas para sa walang kamatayang pagkapanginoon? at ano? ikaw lamang sa 'yong sarili ang makakaramdam tungkol sa luwag ng iyong mga landas.
mapapaisip kang muli't matitigilan ang iyong pagtataka sa paglipat ng danas na karamay. iniwan ka sa huling pagkakataon ng mga kaisipan ng paglayo sa katauhan at paninilbihang may pag-aalay. mananatili kang muli.