Hay, o siya. Hindi naman din masaya ang pagpilit. Ni hindi naman kita kayang hilingin pa sa buwan. Kahit sumumpa pa ako nang ilang ulit sa mga tala ng langit, tanggap ko nang hindi mo na matatapatan pa ang mga saya kong galing sa iyo.

Araw-araw nang hindi magsasabay, magsasalubong. Araw-araw akong mag-aabang, at araw-araw rin tayong uurong. Araw-araw magmumusika, at araw-araw magkakasundo.

At sa mga nalalabi na lamang, araw-araw nang babagal, araw-araw maglalakad hanggang sa araw-araw na akong panay silip sa araw-araw na pagtigil at kahapon, araw-araw, na paghahanap, sa iyo, at ayaw ko pa ring mamaalam. Ay ga. Marahil.