ang mga natitirang linya
ng insulto at agam-agam
na makapagpapabalik
sa mga noon pang pagsakay
ng jeep patungong rekta
sa ibang mga sakayan.
kung hindi pa nakakabisa'y
sagli-saglitan pang sisilip
sa magkabilang pasahero,
hindi naman sa pagiging
apurado pero huwag naman
sanang sigurado na ang
pag-aalinlanga'y delikado.
hindi ninyo ito maipapakilo,
maniwala naman sana kayo,
pakiusap. maski pang wala
naman dapat pang ipaalam,
may natitira pa naman siya
na mga hiya at agam-agam.