steamed buns were available

walang pagmamadaling nagsisilid ang mga sabik sa bagong balita na wala naman sa puwestong isinisiwalat ng martilyo at galit. ang bulung-bulungan ay karaniwan lamang din para sa mga sawa nang mapakinggan ngunit nais pa ring magkaroon ng ambag sa kuro. walang ingay na hindi napapansin at hindi ganoong tiwalag ang ihip ng pagkakampihan kung sino pa nga ba ang may mas matimbang na pahayag na base naman sa kanya-kanyang timbangan.

walang may balak sumigaw sa takot na maidawit sa tuloy-tuloy pa rin na bulung-bulungan ng mga hindi naman kasangkot. hindi rin nakakatulong ang puting liwanag nang padagdagan ng usisero ang mga gusto niya pang masilayan. mapapalawak ng laya ang siyang paningin ngunit para saan pa nga ba ang dipa kung barya-barya lang ang itinirang halaga?

kakapiranggot lamang sa kanila ang nakasasalo nito at higit pang umiikli ang kapit kapag kawalan ng kirot ay kinilatis na't kinita ang katumbas. suwerte mo na lang kung makatsamba ka ng kuwentong may yari ng pasakit at kawalan ng pag-asa. pupulutin ka pa nila.