FlipTop - BLKD vs Fukuda

Round 1

BLKD

Ako'y magbabalik, mas nakamamatay, parang polyo at tigdas. Walang bakuna sa bakunawa. Sa kagat ko, walang ligtas. Matapang ang dura, makamandag ang bigkas. Mga linya mong pintas, pigtas sa mga bara kong bigwas. I'm just showing you the ropes nang magamit mong kwintas na bigla kong hihigitin, parang madaliang pagsintas. Sige, piglas, piglas. Lagot ka sa lalamunan mo. Gulay ka na lang na matatauhan sa katauhan ko. Ako'y choker na, choker pa. Kamatayan mo, kabiguan ko. 'Wag kang mag-alala, awa lang kakalimutan ko. 

Ba't ba Fukuda pangalan ng wirdong 'to? Nung una, 'kala ko Hapon, parang itsumo. Kagay-anon lang pala 'tong maiinjure ko. Uuwi 'tong dormitoryo. Patay ka sa senior mo. Magrarival kang mala-Righteous One sa videong 'to. Mapapahiya ka na lang na aking pabababaing lumpo. 

Zeus 'to. Zeus ko. Lintik 'to sa henyo. Limot na eksperto, Bourne sa engkwentro. Malalamon lang sa 1-on-1 'tong Fukuda kay Sendo. Nangknockout kaya knockout lang 'to pagconnect ko. Smash 'to sa right ko, sakto sa left ko. Balikan, salitan parang kwento, Memento. Wala nang defense 'to. Hindi na bitin 'to. Umalis ka na sa metro dahil wala ka naman sa tyempo. 

Panay claim lang sa Mindanao parang presidenteng ama. Ang tanong: Yung Mindanao, cineclaim ka ba? Akala mo pambato kung makaasta ka. May Mindanao event na bang nagheadline ka na? Anong Batas ng Mindanao? Si Dopee yun, tanga. Giba!

Round 2

BLKD

Panay generic diss na naman sa 'king pagkamakabayan. Sa dami kong ipinaglaban, wala kang mapangalanan. Panay paratang lang naman 'tong wala pang napatunayan. Anong ambag mong kahusayan? Sulat pangkinder? Mga ideyang mas kalat pa sa nasalanta ng twister? 'Yang 'stilo mo, minashup ng fucked up na mixer. Kinulang sa Kregga, sumobra sa Stifler. Pang-Chicser ang intel, ta's Hitler depiction? Marupok ang mga bara, matigas lang yung diction. Imelda ang tema ng Fukuda condition. Hanggang ngayon, walang bars. Puro lang conviction.

Kung mismong mga titik ang titiktikan, maiintindihang walang ititindi 'yan. Hanggang lisik at litid lang init na 'yan. Parang plumang natuyo na, pinilit na lang. Malabo ang sulat, dinidiinan. Kung magrap 'to, Rambo, mukha lang tanga. Full battle gear ang kargadang dala. Paglift ng machine gun, game over ka na. Galit na galit. Pagkalabit, water gun pala. Malakas lang ang sigaw, rap battler ka na? Paulit-ulit ang bitaw. Magbarker ka na lang. One-dimensional. Materyal, walang volume. Rap mo, mere volume. Rap ko, speaks volumes. Sakit ka lang sa tenga. Ako, abot-damdamin. Lampas na sa paangasan ang mga habol kong hangarin. Sigaw mo, pang-utak-hangin. Sigaw ko, pam-Pugad Lawin. Punit!

Round 3

BLKD

Sabi niya galing daw sa Negro ang konsepto ng FlipTop. Gago, sa mga Negro galing ang buong hip hop. Siya raw ang Uprising killer. Hayop sa branding. Paborito ka lang naming kalabanin 'pag sparring. Yung 'stilo mo at skills mo, consistent ang landing. Kaya saktong praktisan, saktong pangstand-in. Kaya mong manalo at sumapaw sa standing pero malabo kang umabot sa rurok ng ranking. Mga tulad mo, walang karapatan sa kategorya ko. Mga sulat mo, mas kulang-kulang pa sa memorya ko kaya tapos na 'to. Tamang lakas para maging brusko kami. Tamang wack para mainsulto kami. Who's who kami. Who you ka, pre. Sa hatol ng kasaysayan, walang may pake.

Kung ako, walang masabi, ito, walang sinatsat. Wala na ngang sinabi, wala pang binatbat. Dapat sa 'yo, binabat, binibitin patiwarik. Ipunin ang dugo sa ulo at hatawin pabalik. Basag ang bungo parang niyog na minaso. Wasak ang mukha parang obrang Picasso. Tanggap ko kung wala na 'ko sa top 5 niyo. Babalik rin ako sa top 5 ng mga top 5 niyo.

FlipTop - BLKD vs Frooz

Round 1

BLKD

Patawad na naman sa pagkadarang ko, sa pansamantalang pagsuko sa mga pasan-pasan ko. Sibak sa Isabuhay pero sakto bagsak ko. Talo kay Poison kaya hindi na threat kaharap ko.

Frooztreitted Hoemmizyd? Pangalan pa lang, failure na. Dapat Plagiarism na lang. Mas akma sa nature niya. Kung basag-ulo hanap niya, wasak ang cranium niya. 'Tong binangga mong BLKD, materyal, vibranium na. Alyas niya, perwisyo. Spelling, pampahilo. Ang hirap baybayin parang inaangkin ng Tsino. Mahirap pang spellingin sa pasibong agresibo, Parang pinaspell kay Badang tapos tinype gamit siko. Talino na presinto, nagkaalyas pa. Frooztreitted Hoemmizyd? Kaso na, bansag pa? Anong gusto mong iparating? Masama ka na, palpak pa? 'Di man wrong spelling, wrong, sa labang 'to, bagsak ka. 

Napilitan lang magname change para dignified naman. Inetsapuwera ibang letra para simplified naman. Kaya 'ko hinarap ng pacutiepie na 'yan, nagsawa nang manghomicide, nagsuicide na lang. Kawawa ka naman, may dekada mang head start. Binabata na lang ng bagong nag-angat ng benchmark 'tong dating bata ng bata ng bata ng bata ng bata ni Denmark. Kawawang utusan. Kutusan ka lang, kolokoy. Totoy, sunud-sunuran ka lang parang convoy. Kaya anong Frooztreitted Hoemmizyd? Baka Frustrated Homeboy. Go home, boy!

Round 2

BLKD

1-2-3 to the 4. F-R-double O-Z D-O-double G. 'Pag walang braids, mukhang sunog na broccoli. Prodigy ng napaglumaang comedy. Noveltyng gasgas na ang poetry. Pa'no mo 'to iisahan ng monotony. Saksakan 'to ng utak, lobotomy. 

Pwe! Pang-aliw ka lang sa stage. Nauna ka sa game pero iwan ka sa grades. Magkaiba timbang kasi magkaiba ang strains. Ako, kilala sa brains. Ikaw, kilala sa braids pero hairline, airline. Taas na ang naabot. Kawaii na LeBron, long back na panot. Anong hairstyle ba 'yan? R. Kellyng nabarat? Ignition sa likod? Conviction sa harap?

Bounce, bounce, bounce. Ako'y sanay sa kaliwaan parang south paw. Wala 'kong balak makascore mula sa past mo, sa mga tsismis na walang papel sa rap mo. Ang tanging hihimayin ko lang, 'yang pagkawack mo. Wala nang research-research pang magarbo. I'll just show you how I roll as I rap raw.

Sakto, ganado, kaya sorry ka. 'Tong Frooztreitted maya-maya, Vizconde na. Post-battle interviews, sa morgue na. 'Yang kalawakan ng utak mo kahit magtsongke pa, mas makitid pa sa pananaw mong matapobre ka. Mga pasabog ko, Big Bang, baka doble pa. Tamang neuron ko lang ang Andromeda. Ako nakikita ng aliens 'pag sabog sila. Corny ka!

Round 3

BLKD

Ang katawang lupa'y sadyang kulang upang tunay na mabuhat ang kalawakan ng aking diwang may bigat na 'di masukat. Parang nagpasipsip ng buong karagatan sa munting bulak. Kung maiisip mo naiisip ko, sasabog ang 'yong utak. "Blow!" sasambulat. Literal kang mind-blown. Mahula kang barong-barong sa sagasa ng cyclone. Magkaiba ating laban, iisa man ang war zone. Ika'y payasong nakatulala sa sugod ng bomb drone.

Oo, madalas makalimot ng mga dapat ibira. Sobrang lakas ng bara, makapigil-hininga. Kaya crowd ang nagchochoke basta't mayari ang atake. Ano ba espesyal dito? Tamo, wala silang masabi. Kaya marami mang mas consistent at mas desperado, ako pa rin ang cinacall out ng mga respetado. Pa'no, dagdag-kita lang sa 'yo 'tong competition. Wala ka na nga sa Blind Rhyme, wala ka pa ring vision. 'Pag wala nang maibara, nanlilimos-talino. Kawawang parang Sisa, panay tawag kay Basilyo.

Kaya hindi homicide. Homily ang mga bolang hinoard kasi mga sermon mo ay batay lang sa sulat ni Lord. Kapag 'di pinagbigyan, kumokopyang minimal. Umaasta na lang siyang sa pamilya, kriminal. Itinakwil tuloy ng family kasi crazyng literal. 

Animal, mascot ka ng wack rap. Habol lamang ay halakhak. Ako, walang takot mapahamak. Blast off. Mask off. Cumoclock back. Roots ko, Black Thought. Sa 'yo, Black Jack. Wack!

FlipTop - BLKD vs Poison13

Round 1

BLKD

Naisipan ko sanang magjoke rin. Alam niyo ba ang formula ng Poison13? Oil, coke, virgin, soy sauce, vetsin. Corny. Naisipan ko rin magcostume, may katauhang arborin. Parang Mokujin. Ano 'ko, gago rin? Ang porma ko, walang gimmicks. Wala mang armor, king. Kaya sinong tinakot mo sa simpleng tricks pang-Halloween? Hindi ako dinadaga sa Poison. Wa-epek 'tong Racumin.

Over na para sa poser na may bahid ng modtaks ko. Giyera na. Watch and learn. Maya-maya, biglang todas 'to. It's military time, 13. Bilang na ang oras mo. Olats 'to. Boplaks 'to. Kaya lang, in denial. Lamon sa 'kin 'tong Poison na parang suicidal. Hulmadong Loonie style niyan. Kay Sixth Threat rumarival. Pa'no ka naging Poison kung puro ka revival?

Tanong: Ang poison ba 'pag expired na, pumapatay pa rin? Kung oo, yung poison ba, o expiration ang salarin? Bawat bala ko, may punto, may puntong babalangkasin. Iba ang tunay na mabisa sa tsambahan ang galing kaya matapang man 'tong Poison, sa 'kin, panis pa rin. Sasadistahin hanggang maging labintatlong ulit sinunog, hanggang 'di na maatim. All rounds, matalim pa sa lanseta 'pag sumayad ang lagim. 

'Tong beteranong up-and-comer, bagsak sa 'king dating kaya galaw-Lupin ka man, wala kang takas, Poison, sa mga tira kong tutok-Jigen at talas-Goemon. Bawat diss, play. Laruan ko, pangtoycon.

Pagtama ng hampas, kalas-kalas ka parang Voltron.

Round 2

BLKD

Socrates, patay sa Poison? Ninakaw mo lang kay Abra yung play mo. Kaya kong sumabay kay Aristotle. Kaya kong basagin si Plato.

'Tong Isabuhay, biglang buhay sa mga career na tulad mo, wala na talagang igagaling pa kaya naman galing niya, sa kanya, proud na proud - proud na proud sa panggagaya. Taktika raw 'yan. Wala raw pandaraya. Talent niya 'yan. Proud sa panggagaya. Talagang talent niya 'yan. Wala raw pandaraya. Taktika lang.

Mokujin, Mokujin. Proud na proud sa panggagaya. Talent raw 'yan. Wala raw pandaraya. Taktika lang. Para iwas-batikos, inamin na lang. Ginamit niya pang branding na lang. Nung Round 1 ko kay Dello, nasabi na 'yan. Mismong titulo mo, nakaw. Akin na 'yan. Marami kang nalilinlang sa panggagayang ginawang forte. Halatang-halata na talagang sobra na 'tong 13 sa pang-oonse.

Round 3

BLKD

Iba ang fist bump sa fist pump. Mali ka ng kalikot. Parang bars ko nung round 2, ibabaon kita sa limot. 

Kaya malabong maging close fight 'tong all hype sa all might. Epileptic kang napagimik, at napatitig ka sa strobe light. Pangshort time kanyang foresight. May sore eyes ang foresight. Sa battle rap, parehong wack ang mag- at magpaghostwrite. Kaya bago ka magmataas, umayon ka sa short height. 'Pag 'di kita natantya, hahatulan ka ng .45, o kaya naman long pipe, scope-night, tututukan ka all night. Pagbite ng Poison, bagsak agad parang Snow White.

Siya raw ang bata ng Bataan. Handa na raw mangmama. Natuto lang sa panggagaya. Talagang galawang bata. Panay lunok naman sa takot sa utak kong pawala-wala. Ako ma'y may choking hazard, 'tong napasubo, bobong bata. 

Bars mo, panghahamak. Bars ko, kapahamakan. Hamak kang bataan. Ako, ganap nang batayan. 'Di ko na nga minarathon yung laban mo. Sa ilan lang, secure na. Inunti-unti ko yung Poison kaya immune na. Aral ko na 'tong Poison parang med school. Mahusay lang pumlaka parang Tres Kul. Kulang ka pa sa lakas kaya ka walang talab sa Deadpool.

ilang punto sa grammar ng tagalog

'Di ba at na lang

Dalawang salita ang 'di ba from hindi ba. Isa pang patunay is puwede siyang singitan ng po, 'di po ba?

Walang salitang nalang. Dalawang salita rin yun. Na at lang. May pa, ba, na, din/rin, lang, pala, nga, at naman tayo sa Tagalog.

Din/Rin, Dito/Rito, etc.

Kahit ano ang puwedeng gamitin actually. Mas madulas lang sa pagbigkas kapag /r/ sound yung gagamitin after a vowel/semi-vowel (/y/ or /w/) sound.

e.g.

ako rito

bahay riyan

lugaw rin

Hindi rin naman mali kung /d/ ang gagamitin.

ako dito

bahay diyan

lugaw din

Maylapi

Laging nakakabit ang panlapi sa salitang ugat, maging sa maylapi, o sa kahit na ano. Hindi puwedeng hindi nakakabit ang isang panlapi.

May hyphen 'pag nagtapos sa consonant ang prefix tapos nag-umpisa sa vowel ang root word.

pag-asa

pagtulong

nag-isip

nagtanan

mang-away

manggulo

'Pag nagtapos sa vowel yung prefix, walang hyphen sa kahit na ano.

paayos

pagamit

maayos

mataray

naiyak

natapon

napaiyak

napasulat

iayos

ibigay

pakiiwan
pakibigay

nakiisa

nakitulog

kauhaw

kabusog

tagaigib

tagakuha

pinakaayaw

pinakamapagkakatiwalaan

Exception yung um- at in- dahil sa pagpapantig/syllabication.

umasa

inisip

Exception din yung mga hiram na salita or pantanging pangngalan.

nag-Japan

ka-ML

ka-college

taga-Japan

Pero minsan, may ibang writers na sinusunod pa rin yung consonant-to-consonant rule 'pag hindi pantangi.

nag-Japan

kacollege

Disrupted kasi yung pagbasa kapag gitlapi sa hiram na salita.

chinarge

ch-in-arge (?)

Pangkasalukuyan / Panghinaharap

umaasa / aasa

iniisip / iisipin

nakikiisa / makikiisa

nakikitulog / makikitulog

nag-iisip / mag-iisip

nagbibigay / magbibigay

NG at NANG

Basta kapag noun yung tutukuyin, ng.

e.g.

Kumain ng masarap. (noun; Hindi pang-uri kasi walang salitang inilarawan.)

Kumain nang masarap. (adverb; paraan ng pagkain)

Kumain ng masarap na pagkain. (Pagkain yung tinukoy rito at hindi yung masarap.)

Pumasok ng lasing. (As in taong lasing yung pinasok.)

Pumasok nang lasing. (Lasing nang pumasok.)

Lasing nang pumasok. (Pumasok nang lasing.)

Lasing ng pumasok. (Pagmamay-ari ng pumasok ang lasing.)

What if 'di mukhang noun ang noun?

Madalas ay receiver/doer ito ng action, or may naglalarawan sa kanya na adjective.

Mukhang Verb

ex. Naghanap ng tuturuan.

Noun ang tuturuan dito. Imposibleng receiver ng action ang isa pang verb.

ex. Natuwa siya nang turuan ng guro.

Verb na ang turuan dito. Hindi na siya noun.

Mukhang Adjective o Adverb

ex. Kumain ng marami.

Hindi puwedeng tumanggap ng action ang adjective. Ang puwede lang maging ang marami rito ay isang noun.

ex. Kumain nang marami.

Paraan ng pagkain ang gustong ipabatid, kaiba ng nasa taas na ano naman ang kakainin.

ex. Kumain ng maraming pagkain.

Pagkain ang tinutukoy ng ng dito, hindi ang marami.

Iba pang Anyo o Parirala

ex. Kinain ang spaghetti ng nasa restaurant.

Doer ng action ang nasa restaurant.

ex. Kinain ang spaghetti nang nasa restaurant.

Bahagi ng adverb ang nasa restaurant, hindi doer ng kinain.

Alalahaning maaaring possession ang indikasyon ng ng depende sa mga salita/konteksto na nakapalibot dito.

e.g.

tae ng tae - pagmamay-ari ng tae ang tae

tae nang tae - sunud-sunod o maraming pagtae

wala ng pakialam - pagmamay-ari ng pakialam ang wala

wala nang pakialam - pagkawala ng pakialam

Iba rin ang wala na'ng pakialam (kung wala na ang pakialam ang nais ipabatid). Iba ito sa wala nang pakialam.

Mapapansing depende sa kung ano ang gustong ipabatid ang paggamit ng ng at nang. Iba rin ang na'ng (na + ang) sa nang.

O at U, Inuulit na Salita

Nagkaroon ng pagbabago sa rules pero dati, nagiging U yung O kapag nagkakaroon ng pag-uulit sa salita.

nagtulung-tulong

Ngayon, binago na yung rule. Kahit 'di na gawing U ang O.

nagtulong-tulong

Maliban sa payak at maylaping mga salita, mayroon din tayong inuulit na salita. Ginagamitan ng hyphen ito kapag inuulit ang isang payak na salita.

tulung-tulong

tulong-tulong

Ngunit kung walang nag-eexist na salitang payak kung 'di ulitin ang tunog, payak lamang itong salita.

paroparo

alaala

Walang mga salitang paro at ala.

magandang maganda - maganda na maganda

magandang-maganda - sobrang ganda

maganda-ganda - medyo maganda

ang ganda-ganda - sobrang ganda

Mayroon ding nangyayaring pagbabago sa baybay sa tuwing kakabitan na ng hulapi ang salitang ugat na nagtatapos sa U, o mayroong U bilang patinig ng dulong pantig.

upo + an = upuan

putok + an = putukan

Paki- at Paki

Iba ang paki mula sa pakialam, at iba rin ang paki- na prefix.

e.g. Pakihanap naman ng paki ko sa mga sinasabi mo.

Pagka- at Pagka, Pag- at 'Pag

Iba ang pagka- na prefix sa pagka na pangatnig. Ang pagka ay singkahulugan ng kapag.

e.g. Pagka ginaya mo ang pagkatao niya, sino ka na?

Iba rin ang 'pag mula sa kapag, at iba rin ang pag- na prefix.

e.g. 'Pag iisipin mo ang pag-iisip niya, mahirap isipin.

Pa- na Prefix at Pa na Enclitic Particle

Iba ang pa- na unlapi sa pa na particle sa Tagalog.

e.g. Pakuha naman ng walis at magwawalis pa ako.

Na- na Prefix at Na na Enclitic Particle

Iba ang na- na unlapi sa na na particle sa Tagalog.

e.g. Nakuha mo na ba ang sinasabi ko?

Pang- at ang Katinig na NG

Ang prefix na pang- ay somehow nagsasaad ng function, o iba pang action. Nagbabago ang tunog ng katinig na ng na bahagi nito depende sa puwesto ng dila, at puwede pang umabot sa antas na spelling.

pang + kuha = pangkuha

Nagiging panguha rin ito kung minsan.

P at B

pang + pusta = pangpusta = pampusta = pamusta

pang + baboy = pangbaboy = pambaboy

D, L, R, S, at T

pang + dinuguan = pandinuguan

pang + ligo = panligo

pang + sigang = pansigang

And so on, and so forth.

Pinaka- at Napaka-

Prefixes ang pinaka- at napaka-.

pinakamapagkakatiwalaan (root word: tiwala)

napakamatulungin (root word: tulong)

'ng vs. -ng

anong = ano + na

ano'ng = ano + ang

English vs. Tagalog

Mas okay kung grammar lang ng isang wika ang gagamitin at hindi yung pinagsasabay.

e.g.

mga chair

chairs

Mali ang mga chairs.

nabore

got bored

Mali ang nabored.

May kakayahang manghiram ng salita ang lahat ng wika. Kung nasa grammar pa rin nito ang ginamit, nasa ganoong wika pa rin ito at hindi sa Taglish.

e.g.

Kumain ako ng rice.

Hiram na salita ang rice pero hindi Taglish ang pangungusap kundi sa Tagalog pa rin.

I ate kanin.

Hiniram ng English ang kanin ngunit wala rin ito sa Taglish. Nasa English ang grammar kung kaya't wikang English lamang ang ginamit dito.

'Tang Ina

Walang salitang tangina. Dalawang salita ang 'tang ina mula sa putang ina. Ito ay murang may strukturang putang (puta + na) at ina.

Ang puta ay nangangahulugang prostitute sa wikang Espanyol. 

Kung murahin man ang ina  ay maaaring dahil sa ang isang ina ang isa sa mga pinakainiaangat na nilalang sa maraming kultura. Siguro ay dahil sa may kakayahan siyang magdala at magluwal ng panibagong buhay na lalang sa mundo.

May mga kultural ding pagtingin sa isang taong marami nang nakasalamuhang sekswal kung kaya't ang pangmamatang ganito ay naisasambit bilang pagmumura sa kapuwa.

Payo ko lamang ay huwag mumurahin ng putang ina mo ang iyong kapatid dahil pareho kayo ng nanay.

Life is somewhere.

Life is some here,

Life is some don't.

Oftentimes, life is I won't.

Still,

Life will bide its time

Where both endless meet.

No one always had enough

To let sick and tired sit.

Life goes nowhere,

And life may be gone.

Life may not go on

To as much as beyond.

Minsan nang naging okay

Sa akin ang mga paminsan.

'Di na bale ang mga paalala.

Basta kung 'di na maalala,

Nako, baka malala na, at 

Hindi na maaari sa maaari

Kung lalang babalikan pa.

Pagod lang siguro rito banda

Kung sakaling may lusot pa

Akong mga hiblang hayok sa 

Iyong makikitid na paalam.

Ipaalam nawa sa akin ang

Aking mga naiwang balikan,

At nang mabuong muli ang

Binaklas sa pira-pirasong

Mga luha at paghihintay,

Makasakay lamang at hindi

Lamang mag-iwan ng huling

Mga bakat, huling mga silay

Sa buwan, huling mga sinding

Simpalad ng mga alitaptap

Sa ginaw, sa koro ng mga

Palatusok na ararong ilaw.

Bigyan mong muli ng isang

Pagkakataong makahanap

Kaming muli ng paglalasapan

Ngayong gabing lakad lang

Ang nagpagising sa init, sa

Uhaw na dulot galing berso.

I love sadness... somehow.

Some of my times, and not

Some of your times, some

Of someone's times, my

Loving sadness knows me.

Sadness recognizes me,

Sadness hugs the shit

Out of me.

I am here, and sadness...

Sadness stays with me as if

Clouds weren't really made

Of water but just of dust

From my tears and flies,

Whispering through thin air,

And oh how I wish that

When the deepness of my
Calm starts to again frighten

Every intent of my bones,

Sadness finds every way

To match and make my

Sheets warmer, better,

And although sadness isn't

What's not often with my

Spares, 'tis truly sucked into

How sometimes has been

Enough.

Butas-butas ngunit tapos na,

Obrang halaw sa nakaraan.

'Di na masabi pa kung sino

Ang unang nagsabi ngunit

Walang galit sa kung bakit

Inumpisahan ang pagsasabi.

May pakialam sa paghusgang

Malapit sa nakalayo na pero

Paalalang may misteryong 

Kung anong paglikha ng isa-

Sa-isang pagtatagpo, walang

Agarang pagdiin; mayroon 

Lamang pagbakat sa kung

Sino ang may salarin sa mga

Bagay na bistado subalit may

Patagong pagharang. Galit na

Galit sa abo, suklam na suklam

Sa hibang dahil sino nga bang

Ehemplo, may tunay ang tagay?

Lihim pa ba ang mga goyo,

May paglambing na lumanay?

'Pagkat iwanan mang marka

Sa bawat pahinang ibubuklat,

Sakaling umeksenang pitik

Ang mga alikabok sa harap,

Sasaan ang mga mistulang

Pangingirap nating paglingon,

Pasalamat na siguro kumbaga

Para sa lahat ng pag-inom,

Paghithit hanggang pagbuga.

Kahit pang magtalukbong, magtago

Palayo sa'king dalawang palad na

Natitirang aking mga kaibigan, silang

Dadalawang nagpapairal ng aking

Mga tindi, aking mga nalalaman,

Kakalabitin at kakalabitin pa rin ako

Sa aking mga hindi mababantayang

Mga puwersa, aking pruweba na 

Wala naman na talaga akong hawak,

Ni walang masasalo, walang maisara

Kahit pa panay bukas ako, tingnan ito,

Mga nagbabalatkayo, mga walang

Sinasanto. E ako lang naman ito, may

Layang hindi tunay, may yamang 'di

Karamay hanggang lagpak sa halong

Semento, luha, lupa, at tubig-ulang

Yayakap sa ating mga pagtawid kung

May yari mang naglalakad at tapos ay

Sasaidsid sa gilid, maski pang saidsid

Tungong butas na hindi na kailangan

Pang talunin, hakbangan, kakalabitin

Akong sawa na pero babalik-balikan.

Hala ka! Ano na naman itong

Bagong pananggulo? Parang

Nagkaroon ng pagbabagong

Takot na sasalimuot sa aking

Kasisigla lamang na pamalay.

Ang sa aking alam, hindi ako

Tumakbong paruyan ni tilang

Away ay ibinanda ko nang sa

Layong puntang mga ulap na

Ginusto ko na lamang umayos,

Manahimik, gumitnang ayaw

Sumipot sa kahit ano pa mang

Mga pagtutunggali. Ako na

Lamang ito, akong may paki pa

Ngunit may yari nang taklob.

Kahapon, hindi matigil ang 

Paglalakad nang paikut-ikot.

Naghahanap ng paboritong

Pelikulang nakakatakot, patay-

Siyang pagwawalay rin na,

Paglalawayan ding paraya.

Huwag na sanang mag-alala,

Tatawang paluha, titindig ang

Pagwasiwas ng pinaglumaang

Mga tugtog nang makita ng

Aking mga paninging matagal

Nang nagbubulag-bulagan.

Hindi nang maiintindihan ng

Lupa, ng hanging may kalabit

Sa aking balahibo sa batok.

Ngingisian ako ng paglamig

Pababa dahil nalalaman niyang

Naghihintay lamang din akong

Matapos ang kani-kanilang

Mga gawain sa loob ng isang

Minuto, tatlumpung segundo.

Pagbabawalang batuhan ng

Patibong ang mga sigaw na 

Nang sigaw hanggang bumagal

Ang mga binting ito, hindi na

Gagana pa matapos kumaripas

Galing pag-aayos ng dilim, 

Pananampalatayang layo sa loob.

Payag na sa pagpapatotoo ng

Natitirang isang kilos na tuloy

Pang magpaparaya sa maraming

Kulit, pagbulong sa daluyang 

Lubid at itim. Salamat na lamang

Sa lahat, sa lahat ng ibang wikang

Pag-ibig, pag-unawa sa aking

Madalas na ginawing puso,

Akap-akap ang aking unan,

Halika't sumandali muna sa'kin.

Napagbigyan ng pahinga nang

Tatlo hanggang limang pagtulak

Dahil sa ayaw na ipagkaloob na

Pagsalok ng 'di na mahalimuyak

'Pagkat sipaging unahin man ang

Sarili mula sa ibang walang sarili

Kundi ang kanilang mga sarili sa

Harapan ng mararami, ang sariling

Kubli sa karamiha'y sariling iwang

Mabuti na't wala na sa sarili, diling

Pinagbigyan marahil ng pahinga

Mula lima hanggang naging tatlo

Lamang. Itinulak habang nasalok

Kahit sipagin mang unahin ang

Hindi naman kani-kaniyang sarili.

Sa asal mong iyan maski pa

Pati ng iyong mga kasama,

Bakit sa tuwing may hinging

Pag-intindi, hinging paluwag

Sa atin-atin lamang na mga

Piring ay bigla-biglang yumi't

Maglilikot at mananadyang

Parang wala na naman na 

Yata pang iniinda, kahit pang

Sumabat ang kahit na sinong

Ina.

Mutang pabalik-balik 'pagkat

Anumang igulo ng mga igpaw

Sa taingang pagod at tulog

Ang balikatang pinagkaibigan,

Dinudulong umasa pang kuwit,

Hindi man lang humawig pang

Kusa sa kung waring aakyat at

Bababa rin matapos salubungin

At sabihan ng nag-iisang tinig,

Nagmumurang mga gilagid,

Hindi na maaawat pang hampas

Mulang kaliwa, sasalubungin

Naman sa kanan. May pekeng

Mga pag-iling, paunting mga

Konyat sa puso, mumunting 

Kantahang daig pa ang karaoke

Sa tapat ng simbahang sarado.

Lalampas ang sandali. Lalabian

Ka pa ng guhit nang idinikit ay

Sa kisame't sahig. Dumating din

Ang araw na mamamali ka ng

Tantya sa kani-kanilang mga

Ipinakikitang maskara. Sa mga

Abong kanyang pipitikin sa 

Umpisa, sa mga iniwan nang

Mga alaalang sinusuyod at 

Tuluyan nang naiwang apat na

Sumbat ng hudyatang hangin,

Tumba pa ring hinga sa tabi ni

Ina.

Kung sa bakit bang sa

Tuwing nagkakaroon ng

Magkabilang 'di naman

Magkatunghayan kung

Araw-araw, ay bakit sising

Agaran ng pagkakamali

Kahit na may sa hindi rin

Naman katarungang tila.

Hindi namang nauulit

Ang mga napag-aralan

Nang sana ngunit bakit

Nauulit pang dapat na

Pangaralan ang mga

Hindi naman na dapat

Sana. Kailan kaya na

Mag-uumpisang umanib

Sa puwersang pakandili,

Pakumbaba ang mga

Buo naman ang loob

Pero nasa 'di katiwasayan

Ang pag-ibig sa kapuwa?

Sarili ang mas mahalaga

Kaysa sariling maiiwan.

Bakit nauuwi na lang sa

'Di na baleng ubos ang

Ang natitirang agnas

Basta't 'di balewalang

Ubos ang lahat ng sa

Makakalaban. Anong

Tipan ang narapat na

Mag-ipon ng makaaway

Kaysa katipan sa pag-ibig

Sa bayan at sa kapuwa?

Alin ang mas mahalaga?

Miss ko na ang amoy mo

Pati mga patimplang minsang

Kape sa umaga, minsan din

Sa tanghali sa kung madaling

Maghahanapan ng bagong

Palipas-pangarap, palublob sa

Iba-ibang parikit ng ating

Nag-iisang kumot, nag-iisang

Init sa ginaw na dulot lang

Din naman ng air-con at fan. 

Bibingwit, babaliko, titingin

Sa magkabilang sulok bago

Magsindi ng pangungulila mo

Sa iyong mumunting mga stick

Sabay tawag sa pangalan ko,

Hugis kong sabik sa hugis mo.

Mamaya na kaya ang ibang

Ulam, mamaya na rin kumain.

Akin na muna ang mga usok

Galing sa naghihikahos nang

Muntik pang ipahid sa pader,

At hintay ka, saglit, sinabing

Huwag kang makulit, huwag

Mong itapon at baka may 

Makakita sa iyo, sa 'ting dal'wa.

Spit me some details.

You owe me some money.

We need to drop shit fast

For as this one night makes

The both of us shiver

As naked, fake-unhinged,

And ready to be flat,

Neither of us will ever

Be truly ready. Dead rats

Shine brighter as moonlit

Cement-narrows live as

Depressed mazes, creeping

Unto each stranger that

No one else should be

Outside tonight, as if every

Night should never be different.

But we both know how

We are not the same, not

At all, at the very least,

Unexpected parts of this

Stupid tackle of the order.

Because as both of us

Sweat as fuck balls

And still always lucky,

Coming around to play with

The self-proclaimed masters

Of the night will bring us to

Our truer selves, more than ever,

And a little upbeat, we wait until

Accepting any form of incline

From any form of monsters,

For every form of bad and hatred

We have ever been trashed into,

And not ever will be by us alone.

Lalangitngit ang kalawang papasok

Sa halamanan. Inaantok na rin ang

Araw sa isang buong masid, isang

Buong hawig na hawig at hawig

Sa lahat ng mga iisa at nag-iisa.

Bakit pa nga ba akong muli't

Muling naghihintay ng tatabi?

Ay siya't mauupo na muna ako

Rito sa isa pang himlayang bakante.

Kukumustahin kong panigurado

Ang paulit-ulit kong paalalang

Natatapos ding managinip ng

Tubig-ulan ang mga patuloy na 

Nagpapasamyo ng aking pag-iisa.

Matatabig kong saglit ang mesa,

At mapapansin kong bigla na

Malamig na naman ang aking

Tinimplang kape. Oo nga pala.

Sabay, ewan ko, dukot sa may

Kaliwang bulsa. Saka lamang may

Pagtantong muli na andito na pala

Ako. Saan ka na? Andito na dapat

Tayo. Halika nang muli sa akin.

Aba'y ngayun-ngayon lamang

Muling nakapagsaksak sa

Maririing pag-eensayo at siyang

Pagbabalik ng sakit ng totohanang

Mayroong paglaya kung daraan

Sa matagal-tagal na ring tinatanaw

Mula sa 'di naman din kalayuan.

Ang mga akala'y bulang naglaho,

Para bang sinayang lang ang bawat

Manong ipinaabot sa akin galing sa

Matatandang palabiro, palahingi ng

Mga sagot sa kanilang katanungang

Hiluhin lamang ako na parating

Puntirya bago pa man makapuslit.

Ano ba naman yung sana'y 'di na

Pangunahan pa ng panggugulat ng

Hinaharap nang maging masigasig

Naman din tayong tumakas sa ating

Sariling mga pagkakakulong, sariling

Gusto nating kilalanin, mga sariling

Ayaw sa ating magpakilala, at mga

Sariling pinaiikut-ikot lamang tayo.

Gayundin, makikita rin naman natin

Ang umpisa, ang ating sariling tila

Nais na nating tapusin agad nang

Hindi pa namamalayang hindi pa pala

Tayo nagkakamalay. Malay ba natin?

Bago pa man pumatak

Ang aking mga gintong

Luha sa pira-pirasong

Lantad na mga patayog na

Minsan lamang magkatipon

Ay nakapanlulumo pang

Hintayin at pagkapanoorin,

Mangyaring may sasabat na

Kometang nagpalalim lalo

Sa gabing wala namang

Dapat pang pinaghihintayan.

Aalegruhin ng paligid na

Itigil na muna ang siyang

Pagtuldok sa katahimikang

Nais nang supilin papalubog

Pa lamang din ang mga ibon

Sa himpapawid. Mabuti pa't

Pauwi na sila't ako'y sarat na

Maginoong nagpapapasok pa
Rito sa aking maruming sala

Nang maengganyo ang mga

Panauhing paglalatagan pa ng

Aking pira-pirasong gintong luha.

May pag-akmang yakap na

Malawak pa sa dalampasigang

Hindi man lamang nag-anyaya

Sa akin kailanman ngunit madalas

Tambayan ng mga galang ibong

Paalala sa akin. Paalala ko rin sa

Paligid ko, na ako ang hihigop

At manlalasa kung bigyan man

Ako ng pagkakataong gastang

Patulan ang mga panauhing

Dapat nang mapahiran ng

Aking mga gintong luha

Sa loob ng pira-pirasong

Pagkaubod ng duming sala.

Dumating ako ngunit

Hindi pala kailangan.

Sana pumikit nang muli

Nang lumiwanag at matuloy,

Tumuloy mga sinaunang 

Himalang galing sa likod ng 

Iba-ibang halu-halong

Pabula, hiwaga, panggulo

Sa aking buhay. Akin ang 

Aking sarili ngunit

Sino itong akong parang

Pinabayaan na lamang at

Walang pakialam sa pabagu-

Bagong aakyatin, kay kupad

na mga pagtakbo sa mga

Burol ng mga di naman 

Makikilala pang mga patay.

Ako na lamang yata ang

Natitira pang buhay. Kung

Umuwi na lang kaya ako

Nang mapatid at sundan

Mga inilikong kadena, mga

Harurot na hindi pa tutok

Sa preno, sa alanganing

Pagbangga sa alas tres na

Subsob-tirang trip, na naman.

Akala'y totoo ang ibinatong

Kislap sa kabilang kintab ng

Maestrong tagahatid lamang.

Hindi namalayang may gaguhan

Nang naganap at wari'y may

Pagtapik sa pawising batok ang

Konsensyang ginising, gumising,

Sa likod ng mga likod, at muling

Harap sa iyo, maestro. Pasensya,

Aamin naman ako sa iyo ngunit

Sa hindi mo inaasahan ni

Maaalalang konteksto, paalam,

Paalam sa iyo, maestro, at

Hanggang sa muli. Mauna ka na,

Baka may hinahabol pa ang mga

Iikot pa sa bundok ng lilang 

Palaisipan pa rin sa mga sanggol.

Hindi bale't kadalasa'y lugmok

Naman sila sa pagod ng bagot.

Sige na, sige na. Hihimbing na

Akong muli. Maglalaro sa gamit,

Sa ganid ng sandali. Sige na, oo,

Babalik na ako. Sana hindi na 

Akong makabangong muli, muna.

Nung mabubog ka nang lasing,

Ikaw rin mismo ang nagsabing

Hindi mo naman talaga kasalanan

Ang lahat ng nakikita nilang

May paggiring sa hindi inaasahan.

Hindi mo talaga kasalanan

Lahat ng binabato nila sa iyo,

Mula sa mga talang ayaw patulog

Hanggang sa mga punong

Nakikisabay rin sa mga paheleng

Hindi lang naman din ikaw ang 

Mayroong pakana,

Mayroong pasilbi,

At mayroon sanang hindi na

Matatapos pang pagdurugtung-

Dugtong na lagpakan ng bote

At salampak ng magkumpare.

At binulabog kang paggising

Pagkatapos ng hiyang gabi,

May limot bang nakatakas

O paskong maagang katabi?

Anuman ang nariyan, baka

Sakaling may gana pa.

Baka sakaling umahon pa

O mamayang tanghali na.

Puta lang ako.

Puta mo lamang ako.

Igiit mo mang may

Pakunwaring laya

Sa iyong bawat pagbitaw

Sa akin, anong gaya sa iba

Ang dapat kong isangguni

Sa aking kaya lang abutin?

Puta lang ako.

Puta lamang ako.

Mamaya-maya'y

May guni-guning

Bibisita sa akin

Ngunit kailangan pa ring

Pagsilbihan - parang ikaw.

Aakbay sa akin pero

Parang ayaw ko na 

Munang maging ako.

Hindi naman ako yun.

Hindi naman totoo yun,

Sabay bigat pa

Nang kaunti

Hanggang sa

Baka naman ganito,

Baka naman ganyan.

Ano pa nga bang

Hindi ko dapat

Malimutan?

Minsan nang pinapili

Kung alin ang mas uunahin

Mula sa may putuka't luha,

Habulan ng mga

Inubusan na ng silbi

Ngunit nagmamadali pa ring

Humabol sa kung anong

Responsibilidad na ipinipilit

ng nagmamabagong buhay na

Malayong-malayo na sa

Makamundong mundo

Laban sa pahimatay na

Pakikinig na lamang,

Paghihintay ng ibang liryong

Pagtulo at pagbutil ng mga

Pinagsama-samang lawak ng

Tipan, iba-ibang kislap,

Sabay-sabay na palakpak,

Maliligalig na pamamahinga't

Sunod sa awit ng duyang himlay

O kaya nama'y pagulung-gulong

na pag-aaring hindi kailanman

Maipinto kung sino ang patunay.

Ang sa hindi kamukhang kabila'y

May hindi sinadyang pagpilit,

Mga kulay, bumuhol nang maayos,

May pagkaipit na sumasandali't 

Hahampas nang masinsinan.

Nagtagpo pa rin kung tutuusin,

May kaiba lamang sa kukong may

Hiwang humahawak, sa pag-aaway

ng mga pinipisil, hinahayaang magdala

Sa akin kung saan man patungo

Ang mga inipong pamikit, pabulag.

Saka mo na ako kausapin.

Lahat ng makilala'y

Naluluma sa tingin

Ngunit sa tahanang bago,

Kay sarap mahalin.

Mayroong kasanayang

Hindi imposibleng umapaw

Sa landasing likha

Para sa yaring araw-araw.

Ang hindi pagbibilang ay

Palalampasin sa katagalan

Dahil ang mas mahalaga'y

Pagpansin sa katangiang

Hindi naiiba

At naiiba sa hindi.

Lahat ng kilala'y oo,

Lahat ng hindi ay hindi

Kaya't ano pang malaman mo

Sa mga talinghagang dinukot

Lamang kung saan-saan,

Madali rin nating malilimot.

Tutuluy-tuloy galing aking pasya

Ang magpakalunod sa abo

ng mga ligalig at pantasya,

Mga ayaw ipaliwanag ngunit

Nais na maikuwento,

Salaysay na wala pang lamat,

May gustong ipamiyendo.

Gawa sa taling ihinulma

Nang paulit-ulit hanggang sa

Makitang marikit at hirayang

Mapamaslang sa siyesta.

Iduduyan kang paslit

Sa matandang punong mangga,

Sitsit ng ibo'y patay na,

Magpapausok na naman ang mama

ng kanyang mga winalis na dahon

Kaya't atupaging bumangon

Tuwing papasukin ng alon

ng mga pakalmang tadyak.

O, nasaan na ang tabak

na iniwan ko lamang

Kangi-kanginang layong

Patimpla ng maling kape?

Ina ko, o, ina ko,

Hindi na muna ako'ng bahala

Sa isip na mamahingang

Doon na muna sa malayo

Magkikita-kitang nagtatago

Katabi ng tintang lagkit sa ulirat.

Kung walang pakundangan

Ang bigwas ng pananalita,

Pasaan pa't nariyan

Mga nakikinig nang mayroong

Mas ikaaayos kaysa sa iyo?

Pinasok ang rimarim

ng gusaling hitik naman

Sa kakintabang parangal

Ngunit bakit kumitid ang tindi

Nang sa desisyong kumitil

ay walang may balak na

Umalam, umunawa;

Sa panggalaiti ang badya.

Walang respeto siyang madla

Maski pang may ibinuhos nang

Mga araw, dugo, at impunto.

Kung sakaling may isang ayaw,

Lapnos na ang lahat ng niluto

'Pagkat ano pang kasalanan

ng mga hinusayang may alam

Kung hungkag lang din namang

Makikinabang nang walang dangal.

Kung waring makipagpalitan

Ang mga isinulat na hindi titik,

Iigwa kaya ang takot

Sa bating iniwan sa init

Sa ilalim ng buwang kinakaya-

Kaya na lamang 

ng mga ayaw sa tulog,

Ayaw sa atin, ayaw sa layaw,

Ayaw sa himbing 

Dahil ang agnas na dulot

Mula sa ayaw lumimot,

Manggagaling lang din

Sa inumagang bangungot,

At kung pamamarisan

Ang paglalayasan,

Makakayanang maging mayaman

Kahit pang pumagitan

Sa singil ng diyablo't anghel,

Lumubos nawa sa papel

'Pagkat aanhin ang kakausap

Kung payag din namang umirap.

Ilalagay ko ito rito

Nang magkaroon ako

ng paglalagyan

ng aking mga palagay,

Kalagayan, kalayaan.

Palalayain ko ako

Nang magkaroon ako

ng sarili, ng repleksyon,

ng ako.

Itong aking ako,

Natatanging aking ako,

At inaakong ako

ay patlang dating

Inangking ako.

Ilalagay ko ito rito

Nang magkaroon ng ako

ng pinalayang ako,

Natatanging kalagayan,

At hindi sa iyo.

May humampas siguro ng kape
Sa elevator na aking pinaglamayan
Kasama ng aking opisina, damay,
At isinilid na mga hahagkang
Mamaya na pilapil,
Sintapang sa loob ng isang buwan,
Sa loob pa ng mga susunod na araw.

Takot sa kutis na tumaba
Dahil ang ehemplo'y natitilamsikan.
Ang bisa ng kunwari ay
Sadyang malinis kahit kabilaan
Pang magsipahid, may hangganan sa amin.

Ang pinababayaang kitid ng yaman,
Nasa pag-uwi na lamang na 'di laging
Nakikitaan, ni dinaraanan
Sapagkat ang una'y mas matulin,
Takot nang mabawasan pa.
Sa sumunod ay pagpapawisan,
May asim pa't magmumura
Kung hindi sasalubong ang inabangan.

Pangyarihan man sana ng tuwa
Kung sakaling bisitahin ng pag-iwan.

Matapos pa rin sa lahat ng ginising
Ng kapeng tilamsik sa hapon at gabi,
Sa dalisay na antok na pag-uusapan
Ay balisang kwenta sa kalye.

Ako ang minuto, ang oras
Kaya't manumbalik ka muna
Sa kung hanggang saan lamang
Arok ng maaari kang lumabas.

Makipag-isip, magkuro
Kung hindi pa lampas sa pangangapa.
May pag-ibig sa lasap na hanap
Ngunit ang tibay ng pangarap,
Magiging sakto lang
Kung ang saklay ay binabating
Kaibigan na lamang.

Iwan ang sadya, bawasan ang pakla.
Ang siyang tuklod ng mga animal,
Pagkakanulo kung tawagin.
Sapat lang na paikutin hanggang sa
Bumalik sa kung ano ang iyo,
Maging kung ano ang akin

Kaya't magsipag na humimbing muna't
Sakyan ang oras ng bayad,
Oras na para magbayad
At babalik ang oras para magbayad.

Kung makakakita ng asul ay
Anong banggit na agaran
Sa kung lahat ng langit ay ganito,
Siya ring kintab ng karagatan,
Lahat ng mga ilog, mga sapa,
Sa kung kani-kanino pang larawan
Ngunit kung sisirin mang lalim
Nito'y maraming tinatagong kakulayan.
May lumot na madulas,
Angking 'di gagamit ng dahas
Sa pagkupkop ng mga dayuhang
Madalas humanap ng malas.
At kung sa kabilang ibayo
Magmadaling sumigla pa,
Naghihintay ang mas malalim na
Pakipag-ugnay ng likas sa banta.
Mga pagbabagong ayaw patipon,
Hindi naman talaga lumilihis,
At kung sakaling 'di pagbigyan,
Tao ang siyang naiinis
Sa papalit-palit ng sinumang anyo,
O, bakit ayaw raw tigilan?
E kung sariling ayaw papatid
Ay siya ring 'di pahulaan
Sa mga singkupal at maramot,
Maraming 'di pinaniniwalaan,
Maraming 'di sinusunod,
Maraming pinagkakakitaan.
At kung sakaling malabo pa rin,
Bigyang hustiya na lamang sana
Mga lalang na pinaslang sa lisik
Ng mga matang maghusgang gana.

Kayo'y tila patotoong palatandaan
Galing sa inyong piniling pangalan.

Hindi nalalayong paghusayan
Mula sa baho at tambol na lumilindol,
Yumayanig sa aking kalamnan,
At sa pag-usig na manatili
Sa agos ng pandayan ng mga obra at kandili,
Maging masaya sa kalungkutan
Sa gitna ng malalakas na hangin,
Tila nagsasayawang mga puno sa disco.
Bahang kinaibigang tunay,
Ubod ng basura at amoy ng atraso,
Bagyong maya't mayang hinahanap,
Kay tamis na pamamatak sa kung miminsan.
Walang iwas sa lingon at paalam ngunit
Hindi papatabig kung pananahimik nang tulog,
Ituturing niyo ring kabaliwan.

Nakakapit sa gitara, anyong hihiling ng awit.
Akmang lirikong tatapusin
Kahit nagmamadaling sumikat sa hangin.
May tulak ang konsensya ngunit
Mas malakas lumibog ang husay.

Kung sakaling papanindigang tunay,
May hawig sa pagkaing inihanay ang sarili,
O maaaring sabihing ipinantay, ipinatong, inihain
Dahil sa yari ng pagkakaiba ng tunog at lasa,
Tulad ng pagkakaibang panuto at tsansa,
Sa mga tsambang kaya, mga ginamit na rekado,
Ang paghihiwalay ang siyang himig na nagdikit,
Bumisang lagkit sa entablado, radyo, at singit,
Sa kasuluk-sulukan ng mga tainga kong ganid
Sa 'di-maaagaw na meryendang inilatag
Sa bawat piyesang may-paksang dawit.

Aking ngunguyaing landasin pang
Umarangkada sa akin ang latik.
Maging masaya sa isang hapon
Habang nakasakay sa nag-iisang jeep
Papuntang aming tahanan diyan sa may
Minsan ko na ring nilakad pauwi.

Kailan ako mapahihintulutang

Magamit ang naiibang wika,

Malayo sa nakagisnan,

May pagtitimping kusa.

Takot pa rin akong mawalan

Ng gana maski papaano.

Ano na nga bang ginagawa ko

Sa malayang paglalaan

Sa mga bagay na dapat ay

Hinding-hindi pinababayaan?

Paanong magiging mayaman

Sa ritmo at kasaysayan

Ang mga himig ng bagsik,

Mga taludtod ng aking bayan

Kung ang pag-ibig ay salat pa rin

Sa kapangyarihang umunawa't

Magtanggol, maglagay sa alanganin?

Sinisiyasat ba nang maigi

Ang siyang ayaw umamin

Sa pag-ibig na nariyan naman,

Noon pa man di'y masigla.

May tapang, may isip,

Katuwang ng siyang dila

Upang huwag nang magpasakop

Sa hindi dapat kinilala.

Kaya ano na, ano na?

Ano pa ang siyang pumipigil

Kung ang sadyang kalayaan ay

Sanlang dusa't sa pangil.

Walang ibang puwersang lohika
Ang hinihingi ng pagbangon
Mula sa pahalikang pagbalik
Sa malayang kadiliman.
Hindi pinauumpisahan
Ang umagang mangyari
Nang walang hinihintay
Kundi pagbangong mag-isa.
May galit sa hapon,
Tatanghaliin ang pari
Ngunit kung magsarili siyang hamon,
Wala ring mangyayari
Sa mga pinauusad ng rosaryo,
Luluhod sa ilalim ng mga kahoy,
Mga alamat, at mga takot
Sa mga manggagamot.
Iniwasan na ang mga tinta
Nang makitang muli sa iba
Ang pinahihingahang kanta,
Natagpuan lamang sa mata
Mula sa pag-igting na tahimik
At paghihintay nang pagod.
Ang tanging puwersang ibig
Sabihi'y hinihingi nang tulog.

Ang akin lang,
Ang ganda mo.

Ganda mo lang ang akin.
Ang ganda-ganda mo.

Akin ang ganda mo -
Ang ganda lang.

Ang ganda mo lang.
Ang ganda-ganda.

Akin lang ang ganda.
Ganda mo ang akin lang.

Ang ganda -
Akin lang ang ganda mo.

Ang ganda mo, akin.
Akin lang.

Ang ganda mo, akin lang.
Ang akin lang, akin lang.

Noong silaba'y may pagkukunwaring
Lumiliwanag nang walang katapusan.
Sinubukan kong unawain
Ngunit hindi nararapat madaliin
Ang pagbabasa, ang paghahanap ng
Natutulog na pipa, pariwara,
Gunita ng pagpapaikot at matuling kislap.
May sumasambit sa napabayaang mga balikat,
Diyos mo ako, at ikaw ang bahala
Sa aking paglikha sa iyo, at iyong lilikhain pa.
Hindi niya mailatag sa akin kung nasaan
Ang mga propetang dapat tumulong
At magpakilala sa akin
Subalit dunung-dunungan pa rin
Ang mga takot sa dilim at puno ng pamumunga
Sapagkat anong magagawa ng pagsaklolo
Sa ilalim ng aking mga bintanang
Pinuno ng malalambot na pader ng kapatiran
Kung ang mismong nagpapairal
Sa aking binuong kamunduhan
Ay pinatatakbo ng siya ring sisira sa akin?

Iparating mong nagkakamali ka,
Saka kita sisibakin at ipanggugulat
Sa papalit-palit kong mga kaibigan.

At nang magalit, sinipsip pagulumihanan
Ang lahat ng bumuhay at tumuklas
Sa aking hindi nag-iisang kamalayan sa mundo.
Umiral ang kaba at sustansya ng pagkaunawa
Sa ligalig ng pagtawid sa kabila ng
Kanyang mga ipinaglalaban.

Pinalayas ako nang dahil sa galit at labo
Mula sa ipinahiram na piglas sa kuntento.
Inibig kong muli ang aking sarili,
Ang aking binuong kamunduhan,
Ang aking pinaagos na kaligtasan,
Aking bingit sa katalagahang pagtampok.

May pagtambad kang
Mahirap malimutan.
Bigla na lamang lalarga
Ang aking pagkamuhi sa sarili
Sa tuwing ika'y magpapamalas ng
Iyong sariling walang muhi.

Sa gitna ng sigawan at pawis ng
Mapangibabaw na katamarang tunay
Sa init ng hapon,
Papagitnaan ng mga titig
Galing sa mga dahong
Walang ibang inatupag
Kung hindi makipagtanungang
Tulad ng mga pagod sa silid na
Hindi na yata matatapos pa
Ang pagmamasid at pakikipagpalitan
Hanggang sa muling halik ng hibla,

Ipinaalalang panimula ng
Iyong mga mata
Ang hindi na makukuntentong
Paggiliw ko na tanging iyo.
Mahaplos sa akin
Ang iyong pakilig na tinig,
O, himig sa akin,
At ibig kong hamakin
Ang lahat-lahat ng papatol,
Lahat-lahat ng palibot
Silang lahat na walang malay.
Ikaw na nakapangingilabot,
At ikaw na walang malay.

Hindi ko na napansin pa
Ang paghila sa atin ng oras,
Pakagyat na matauhang
Makilalang muli kung sino ang dapat
Maghiwalay ng langit sa lupa,
Maging ng kuntento sa hindi.
Malayo na sa katotohanang
Makapagpapaalam pang pangako
Nang dahil lang sa pagkadapa sa dumi,
Sapagkat ano itong paraisong
Gumugulo sa aking guni-guni?
Ako nawa'y huwag nang balikan
At sulasukin pa ng sidhi ng malay.

Hindi na mahanap pa
Ang alanganing umaga
Habang nakikipaglaro ako
Sa iyo at aking mga usok.
Medyo manilaw-lungti,
At ayaw paubos
Kahit pa makipagpalitan
Nang paulit-ulit
Kung makikipagsapalaran
O tatabi nang muli
Sa nakakainis mong pisngi.

Mahal kita.

Aray! Hampas mong agad sa akin
Sabay talikod at humihingi
Ng pakiusap sa oras na
Mamaya na tayong sigawan.
Ang buhok mo'y dumudulas
Sa balat mong 'pag pinisil ay
Magsisiwalat ng pagtatagpong muli
Ng ating mga puso.
Babaluktot nang kaunti
Hanggang sa pumiglas sa ipit
Tungo sa isang panakaw na
Mahal mo rin sana ako.

Tuluyan nang umukit
Ang iyong pangalan
Sa akin na tila yata
Hindi patatalo
Sa sugat na ikaw rin
Ang nag-iwan.

Bakit hindi mo pa rin
Ako tinitigilan?
Bahagya kang dumaan
Ngunit bakit pailalim
Nang pailalim itong
Hiwang binulungang
Huwag sana maghilom.

Dahil kung handang muli
Ang pait bumaon ngunit
Sa hindi inasahang lunas,
Ikaw na mismo, pakiusap,
Ang tumapos sa'king danas.

Ikaw na nagsasabing
Hindi ka naging malibog,
E hindi ba't malibog din
Ang mama at papa mo
Kaya ka nila nabuo?

Pasensya ka na -
Binuo pala.

Saka ba't nasasabing
Maaari pa ring bumawi
Kahit na nagalit na,
E hindi ba't ang siste,
Hindi ka naman binawi ng
Mama at papa mo,

Hindi ba?

Pasensya ka na.
Ikaw naman din kasi
Ang nagsabing
Isa ka lamang
Inarugang palusot,
Pinakain ng masusustansya,
At busog na busog
Sa mga ideolohiya ng
Iyong mama at papa.

Pagpasensyahan mo sila
Dahil nauuna ang isip
Kaysa sa pagkain at pera.
Kung pagkakasyahin
Sa kainipang makasat ng
Iyong hiram na kandila,
Pasaan pa't matutukso rin
Sa ningas ng bumbilya.

Ay, basta't kung papayak ng isa,
Sunud-sunod na kung bibira.
Sa dadalas nang pagkilala,
Magbabalik sa umpisa.
Mangyaring sasalpok ang alon
Sa naglalakihang mga bato,
Tirik ng araw at yamot,
Mahilig pang umayaw sa limot.
Araw-araw mag-aabang,
Araw-araw kung makapansing
Ang mga ulap ay dumaraang
May ihip na iparating na
Sa kung sakaling bibira,
Hayaang manaig ang timpla
Nang maghalong muli ang saya,
Lungkot, galit, at pahinga.

Sa bawat sulyap,

May nililikhang pira-pirasong 

Alaala na kung ipuni’y

Kusang magkakabit-kabit,

Parang siksikan sa pila

Kung saan kita muli

At huling nakita.

‘Pasaan ka?’

Magaang tanong sa sarili. 

Hihiwalay na naman

Kahit hindi talaga nagsama,

Kahit pa pumagitan

Sa siksikan ng pila

Kung saan hindi na kita nakita.

Aakuhin ang lahat,

Gagalamayin bawat tagong tiklop

Umiwas man ang mga bantog sa dilim.

Ririkit nang hindi kailanman,

Humalika man ang hari.

Ang lahat ng mga alalay,

Maglilingkod nang hindi natatapos,

Hinding-hindi matatapos,

Hanggang sa kung may susundan pa

Kung sino ba ang bantog na

Umako ng lahat.

Pabigat nang pabigat na

Ang mga pagkakataon. 

Siguraduhin mong papalag pa

Hanggang bukas ay bumati sa’kin,

Bumating may paghangong

Piglas pa magwala tungong kanto,

Sa gilid, sa hapag,

Sa gitna ng galit at ganid. 

Patirapang may nagbabalak

Sumabak muli sa salimuot ng

Paghaharang sa mga sandaling

Inaasam-asam noong walang muwang

Sa pandaraya ng mundo,

Sa inis ng mga kahapon,

Sa sakit na hihiwang walang sugat

Pero kailangan pa ring indahin.

Ano pa man ang aking hingin,

Mamilit man sa dulas ng sahig

Ang lilim ng kumot,

Yumakap man ang init sa ginaw ng

Pagtigas, ang paghiwalay ng talulot

Sa natuyong sinimulan, magtatapos

Sa isang saglit na walang katapusan.

Sinlagkit ng nangagtutulong unahan,

Papauwi na namang pinanggalingan. 

May mga punong kay tatayog,

Kalsadang kinalakhan sa uma-umaga. 

May mga palasak pa ring

Ibinibida ang kanilang mga sarili. 

Hindi naman maikakaila

Ang panunumbalik sa dati-rating anyo.

May kung anong himutok-pagbabago.

At sa kabila pa rin ng mga naganap,

Nabubuong pamuli’t muli ang hugis. 

Pabayaan ang mga tinapakan ‘pagkat

Dumating sa wakas, ipinalanging luha,

Upang hugasan ang pagsalang-pait.

Ang huminahon ay paabuting saglit.

Pasensya ka na

Kung hindi ko iniibig

Ang ‘yong mga ibig.

Hindi ko man maipakita,

Maipakilalang maringal,

Hayaan mong palampasin

Ang mga ibig kong palagay,

Pasya, mga tanging kasya

Sa aking napaglumaang silid.

Pinagkaitan ng kausap,

Kulang sa mga danas,

Kulang sa mga sangkap.

Saan mo man ako palayain,

Tatanggaping may pasalamat,

At paumanhin pa rin

Kung hindi rin kita iniibig.

Siyang mali rin naman sa sakaling

Kay hirap bumalik at tumanaw

Sa mga utang at pagkakautang ng

Kung anong ipinakling paghiyaw.

Salamat na lamang, aking sininta. 

Araw-araw na paglimot sa lupit ng

Hirayang walang may ibang alam

Kundi ang usiyosong pintig ng langit,

Pariwarang may direksyon.

Kulang pa rin ang sukbit ng tensyon. 

Maagang panaglit, maayang sambit ng

Paalam, o paalam... Saka na lamang

Ang lahat ay isisilid sa paglakip.

Kumintal ang kislap ng kulit. 

Nakasasabik, nakagugulat

Ang mga ngiting bawat bitaw. 

Bintang sa akin ng kapalara’y

Magpatuloy sa mga ngiting

Ibinabalik sa akin.

Mananatiling mapagkubli. 

Sa mga ningning ng kislap mo’y

Mabuti pang hiyasa’t masawi.

Pahinging pahintulot,

Mangyaring maligalig,

Hungkag, nangagtatala,

Himyas tungong kahig.

Tulala siyang turingan,

Saka lamang makaalalang

Ang mga hamak na sobra,

May kung anong hiwaga.

Sundan ang mga balang

May liwanag at may dilim. 

May nagpapatawang

Kailangang maatim, intindihin,

Bigyang-paliwanag at kalinga.

Hindi sadyang maiintindihan

Ang pagtalikod sa hinaharap.