Pasensya ka na

Kung hindi ko iniibig

Ang ‘yong mga ibig.

Hindi ko man maipakita,

Maipakilalang maringal,

Hayaan mong palampasin

Ang mga ibig kong palagay,

Pasya, mga tanging kasya

Sa aking napaglumaang silid.

Pinagkaitan ng kausap,

Kulang sa mga danas,

Kulang sa mga sangkap.

Saan mo man ako palayain,

Tatanggaping may pasalamat,

At paumanhin pa rin

Kung hindi rin kita iniibig.