06 October 2026

Admission

Malay akong hindi madaling maging magaling sa lahat ng pagkakataon para sa lahat ng tao. Maraming beses na kinakailangan naming patunayan na nararapat para sa amin ang edukasyong ipinagkakaloob sa amin matapos kaming payagang makapasa at makapasok. Gayon pa man, maski pa na pare-pareho kami ng dinaanan at dinadaanang pagsubok, magkakaiba pa rin kami ng pagtahak na diskarte at pakialam na dapat atupagin.

Noong unang taon ko unang naranasan ang una kong bagsak sa eskuwelahan. Doon ko rin unang napagtanto na hindi ako mahusay sa maraming aspeto, na doon ko lamang din unang natanggap na okay lang naman pala iyon. Okay lang palang mayroon akong hindi maunawaan agad na maaari kong itanong sa guro habang nagkaklase.

Kung tamaan ng tsamba at mayroong gurong pangungunahan kami dahil dapat naunawaan na namin agad ang kaniyang itinuro dahil science high school students kami, o kaya nama'y dapat nabasa na namin agad ang araling kaniyang itinuturo para sa araw na iyon, maaari pa rin naman kaming makaligtas sakaling may classmate kaming genius na madaling makaunawa at mas mabisa pa magturo kaysa sa guro, na siya ring nakapaglaan ng mahalagang oras para makapagbasa nang mas maaga kaysa sa aming lahat.

No comments: