Mayroon din kaming gurong pinaghihinalaan (o maaaring malupit na biruan lamang) na pumapasok nang may amats, at tila nga mayroon kung minsan sa tuwing nagkaklase. Hindi ko na inalam kung paano nga bang nagsimula ang partikular na haka-haka na ito, at kung malay rin kaya siya na mayroong mga ganitong kuwentuhan na pumapaikot ukol sa kaniya.
Halata at tunay nga bang pamigay nito ang medyo kakaibang paraan niya ng pagsasalita, na parang pinaghalong nakaapat na shot na ng gin ngunit sa hindi pa namumulutang sikmura at tipong chill lang sa lumanay na handang magbagsak ng unencountered wisdom na hindi mo rin sure kung nararapat bang gamitin kung darating man ang pagkakataon, pero irerekta mo pa rin sa sariling kokote, because why the hell not?
O kahina-hinala rin kaya sa iba na may mangilang araw siyang absent tuwing buwan ng Oktubre? Walang nakakaalam, at wala ring nangahas na magtanong. Hanggang ngayon nga, limot ko pa rin kung sino iyong mag-aaral na tinutukoy niyang psycho-topak na gumuhit ng isang obscene graffiti sa Table 5 ng Group 5. Nagkatotoo kaya ang sinabi ng aming guro at miyembro na siya ngayon ng Dark Force?
No comments:
Post a Comment