Anal Geom. Hindi bastos 'yan, pero akalain mo 'yon, halos sampung buwan, iyan ang tawag ng maraming mag-aaral sa isa sa sandamukal na math subjects noong ikaapat na taon. Nakasulat ito kung saan-saan. Sa pisara, sa schedules sa IDs ng mga estudyante, sa harapan ng kanilang mga notebook, sa tsismisan sa mga text, vandalism sa mga upuan, mesa, at mga hindi pa nabibinyagang pader.
Anal Geom. Hindi 'yan genre ng porn. Ibang taktika lang sa matematika. Noong umpisang mga araw, may kinalalagyan pa sa utak ko 'yong mga pinagsasasabi ng guro namin sa klase. Iyong tipong nakakahabol pa 'yong ballpen ko at notebook sa bawat magic na pinapasiklab sa blackboard. Iyong mga graph, nauunawaan ko pa. Iyong mga quiz, lampas sa kalahati pa ang mga marka. Hindi boring, pero hindi rin naman kapana-panabik.
Anal Geom. At least, iba ang bigkas ng unang salita sa nakagisnan nang pronunciation. May mga salita rin namang ganoon — nag-iiba ang ibig sabihin kapag iba na ang bigkas. Sa sampung buwan na nakikita namin ang dalawang salitang ito sa araw-araw at sa kung saan-saan, mayroon kayang kahit isa sa 'min na napabungisngis nang pasikreto, kahit sa isip o kahit minsan lamang?
No comments:
Post a Comment