08 October 2026

Chasm

Sa paglipat ng mas marami naming mga klase sa Main Building para sa ikalawang taon, mas lalo ring kinabahan ang mga mag-aaral sa mas malupit na lineup ng mga guro. Madali pa namang kumalat sa pagitan ng mga klase ang mga tsismi-tsismisan ukol sa mga gurong masuwerte sanang matsambahan, at mga gurong hinding-hindi talaga maiiwasan.

Hindi naman talaga sakaling suliranin sana ang ilang mga kinakatakutang engkuwentro kung nakikinig lamang nang maigi sa mga panuto at sumusunod sa mga kailangang matandaan. Madaling pangunahan ng takot ang damdaming mapanghusga at walang-dunong magpalagay na tao lamang din pala ang mga nakakasalamuha namin sa araw-araw, saan man sila nakapuwesto sa loob ng silid.

Maski pa ganoon, malay rin kaya ang kabila na hindi lamang sila ang iniisip namin? Napakahirap din sigurong kuwentahin na hindi porke't kinaya ng isa ay mayroon ka nang sala kaagad sa isang araw ng katamaran at kaligtang kapabayaan. Kung sa bagay, at kung iisipin, ano mang diwang dahilan ay mananatili lamang na palusot sa karamihan, gaano man ito kabigat at kahirap lunukin. May mga araw kaming walang sala, mayroon ding madaling masamain.

No comments: